U Registru di u in.corsica, a Cullettività Territuriale di Corsica, ùn vende micca direttamente l’indirizzi web (nomi di duminiu internet). A Cullettività Territuriale di Corsica vende i nomi di duminiu à i Registrars chì i rivendenu à u publicu, à l’imprese è à e cullettività eligibile.
Dunque vi ci vole à cumprà u vostru nome di duminiu in .corsica ind’è i Registrars (Scagni d’arrigistramentu) accreditati in.corsica.
I registrars (Scagni d’arrigistramentu) di u in .corsica, porghjenu à i so clienti un’offerta di servizii Web cumpletta, cumpresu l’allughjà di siti internet, a creazione d’indirizzi email è, di sicuru, a compra di Nomi di duminiu (l’indirizzi web).
U prezzu di vendita à i Registrars l’hà vutatu l’Assemblea di Corsica u 26 di ghjugnu di u 2015. Issu prezzu hè statu fissatu da permette à tutti d’acquistà è di pudè usà un nome di duminiu in .corsica chì spechji i valori identitarii di u nostru territoriu.
Da pudè cumandà nomi di duminiu in .corsica vi ci vole à cuntattà un Registrar accreditatu per cumerzializà issi nomi di duminiu in .corsica.
